Era Casa dera Republica ei era residéncia oficiau en exili deth 130au president dera Generalitat de Catalonha, Carles Puigdemont i Casamajó.
Plaçada en Waterloo, Belgica, ena Avenue de Avocat 34, ua zòna residenciau aluenhada deth centre de Brussèles, era Casa dera Republica ei era sedença centrau a on se trabalhe era internacionalizacion deth conflicte catalan arreu deth mon.
Casa dera Republica ei, donques, en còr d’Euròpa, un espaci liure a on deféner es drets des catalans e es catalanes. Ei venguda per aguesta arrason era sedença deth Conselh pera Republica.
Carles Puigdemont i Casamajó neishec eth 29 de deseme de 1962 en Amer (Catalonha). Pendent lèu tres decènnis era sua activitat professionau siguec restacada damb era comunicacion enquia qu’en 2006 hec eth pas tara politica en èster elegit deputat en Parlament de Catalonha e en 2011 baile de Girona, cargue que ne serie reelegit en 2015. Eth 10 de gèr de 2016 siguec investit 130au president dera Generalitat de Catalonha, era mès nauta representacion institucionau catalana. Pendent eth sòn mandat, eth 1èr d’octobre de 2017 se celebrèc eth prumèr referendum constrenhent sus era independéncia de Catalonha a despiet dera oposicion der Estat Espanhòu, que sagèc d’empedir era votacion per usatge dera fòrça. Eth 27 d’octobre eth Parlament de Catalonha, en tot assumir eth resultat deth referendum, clarament favorable ara independéncia, aprovaue ua declaracion que constituïe “era Republica catalana, coma Estat independent e sobeiran, de dret, democratic e sociau”.Coma responsa, eth govèrn espanhòu cessèc tot er executiu legitim catalan, includit eth president Puigdemont que, sense arreconéisher eth sòn cessament, se vedec forçat a exiliar-se en Belgica deuant eth laueg de repression politica en forma de planh juridic per rebellion, sedicion e mauversacion contra es membres deth Govèrn legitim de Catalonha.
Eth 21 de deseme de 2017 se celebrèren eleccions ath Parlament de Catalonha convocades peth govèrn espanhòu a on eth president Puigdemont obtenguec eth mès naut percentatge de vòts dera majoritat independentista, mès es tribunaus espanhòus li refusèren en diuèrses escadences eth dret a èster investit president. Eth 25 de març de 2018 siguec detengut en Alemanha en vertut d’un orde europèu de detencion e extradicion dictat pera justícia espanhòla, mès era justícia alemanda refusèc d’extraditar ath President pes delictes de rebellion e sedicion, hèt que comportèc qu’era Cort suprèma espanhòla retirèsse er èuroorde. Actuaument, Carles Puigdemont ei un ciutadan liure europèu damb residéncia en Belgica, a on presidís eth Conselh pera Republica Catalana, un organisme que promò era defensa des drets civius e politics de Catalonha en espaci liure d’Euròpa. Enes eleccions ath Parlament Europèu, celebrades eth 26 de mai de 2019, Puigdemont dirigic era lista mès votada en Catalonha, damb lèu un milion de vòts. Maugrat qu’iniciaument eth Conselh Electorau Espanhòu refusèc dar-li es credenciaus d’eurodeputat, eth Tribunau de Justícia dera Union Europèa estimèc qu’ère deputat deth Parlament Europèu a toti es efèctes. Ei president de “Junts per Catalunya”, partit politic impulsat en ostiu de 2020.
D’ençà der inici deth sòn exili, eth president Puigdemont a estat convidat per diuèrsi parlaments e universitats atau coma per institucions politiques, sociaus e culturaus d’arreu d’Euròpa, e a publicat diuèrsi libres: Era crisi catalana. Ua oportunitat entà Euròpa (2018); Re-junhem-mos (2019), M’expliqui. Dera investidura ar exili (2020) e Era luta en exili (2020), es dus darrèri damb eth jornalista Xevi Xirgo.
Brèu amàs des darrères activitats institucionaus deth 130au president dera Generalitat en exili, Carles Puigdemont, ena Casa dera Republica.
El president Puigdemont es reuneix amb el líder del Bloc Quebecois, Yves-François Blanchet, per abordar la situació política dels seus respectius països. Puigdemont ha agraït la solidaritat dels ciutadans del Quebec amb Catalunya.
El diputat de l’Assemblea de Frísia i dirigent del Partit Nacional Frisó ha lliurat al president Puigdemont un passaport simbòlic per expressar-li que “sempre serà benvingut a Frísia”.
Trobada amb Yves Roucaute, prestigiós catedràtic en Filosofia i Ciències Polítiques, escriptor, periodista i professor a la Université Paris-Nanterre.
Activitat institucionau internacionau deth president Puigdemont, dehòra dera Casa dera Republica.
Era Casa dera Republica Catalana ei dubèrta a reünions e amassades per part de collectius, entitats e persones que volguen visitar ath president Carles Puigdemont.
Maugrat demorar en exili, contunhe en tot èster eth president legitim de Catalonha e ei per açò qu’eth protocòu e era seguretat contunhen en tot èster factors claus.
Ètz fòrça es persones interessades en visitar era Casa dera Republica, per açò vos demanam que s’ètz interessades en realizar ua amassada damb eth president, mos envietz ua peticion detalhada en corrèu següent: 130president@gencat.cat
A compdar d’ací, analisaram era viabilitat e era possibilitat dera visita. Mos meteram en contacte damb vosati e vos explicaram eth procediment a seguir.
Eth cas qu’era visita sigue publica, e s’atau ac acòrden es parts, publicaríem imatges dera amassada damb eth president Puigdemont en aguesta madeisha pagina.
Era Casa dera Republica se finance exclusivaments damb aportacions privades.
Mantier activa era activitat politica dera Casa dera Republica ei ajudar dirèctament ath President dera Generalitat de Catalonha en exili. Solament damb independéncia, libertat e en tot deféner es drets politics e sociaus de Belgica estant se poderà trabalhar ath bastiment d’ua Republica catalana liura; denonciar en còr institucionau d’Euròpa era polititzacion dera justícia espanhòla, era sua manca d’imparcialitat, era sua volontat de perseguir es idèes e hèr evident ath mon es grèus mancances democratiques que se viuen en Estat Espanhòu atau coma era fèrma escomesa deth pòble catalan peth dret d’autodeterminacion, peth dialòg e per ua solucion acordada.
Per açò te demanam que mos ajudes, dera manèra que pogues, e quan pogues. Per petit que sigue eth tòn còp de man, serà benvengut.
Casa de la República © 2020
Política de privacitat
Cookies